కీమోథెరపీ వల్ల వచ్చే దుష్ప్రభావాల్లో అందరు ఎక్కువగా భయపడేది “జుట్టు రాలిపోవడం” గురించి. కీమోథెరపీ తమ క్యాన్సర్ కు అవసరమని తెలిసినప్పుడు రోగులు అడిగే మొదటి ప్రశ్న, “నేను నా జుట్టును కోల్పోతానా?” జుట్టు రాలడం ఆత్మగౌరవంపై ప్రభావం చూపుతుంది, ఇది సామాజంలోకి వెళ్లకుండా ఒంటరిగా ఉండేలా చేస్తుంది మరియు ఇతర మానసిక ప్రభావాలకు దారితీస్తుంది.కానీ ఇక్కడ పరిష్కారం ఉంది:అదే స్కాల్ప్ కూలింగ్. స్కాల్ప్ ను చల్లబరచడంతో కీమోథెరపీ వల్ల హెయిర్ ఫోలికల్స్ కు కలిగే నష్టాన్ని తగ్గించుకోవచ్చు.

ఇది కీమోథెరపీ చికిత్స ముందు ఇంకా చికిత్స జరిగే సమయంలోనూ మరియు తర్వాత తలపై ఉండే ఉష్ణోగ్రతను కొన్ని డిగ్రీలు తగ్గిస్తుంది. ఈ కూలింగ్ ప్రక్రియ స్కాల్ప్‌లోని రక్త నాళాలలో రక్త ప్రసరణను తగ్గిస్తుంది. ఇది హెయిర్ ఫోలికల్స్‌కు చేరే కీమోథెరపీ ఏజెంట్లను ఆపుతుంది. ఈ ప్రక్రియ బలమైన మరియు ఆరోగ్యకరమైన జుట్టును తిరిగి వేగంగా పెంచుతుంది. అటువంటి పరిష్కారాలలో ఒకటి పాక్స్‌మన్ స్కాల్ప్ కూలింగ్ సిస్టమ్ (Paxman scalp cooling system). కీమోథెరపీ వల్ల జుట్టు రాలడాన్ని తగ్గించడానికి ఇది భారతదేశంలో అందుబాటులో ఉంది.

హైదరాబాద్‌లోని Onco క్యాన్సర్ సెంటర్ కీమోథెరపీతో పాటు స్కాల్ప్ కూలింగ్ సౌకర్యాలను అందిస్తుంది. వారు ప్రస్తుతం మొదటి స్కాల్ప్ కూలింగ్ సెషన్‌ను ఉచితంగా అందిస్తున్నారు.

స్కాల్ప్ కూలింగ్ క్రింది పద్ధతుల్లో ఎదో ఒకదాని ద్వారా ఇవ్వబడుతుంది:

ఐస్ ప్యాక్‌లు: కీమోథెరపీ సమయంలో మీ తలకు -26°C మరియు – 40°C ఉష్ణోగ్రతల ఐస్ ప్యాక్‌లను ఉంచుతారు. ఆ ఐస్ ప్యాక్ లు వెచ్చగా మారిన తర్వాత, చికిత్స పూర్తయ్యే వరకు చల్లని ఉష్ణోగ్రతను నిర్వహించడానికి కొత్త ఐస్ ప్యాక్‌తో భర్తీ చేయబడుతుంది.

కూలింగ్ క్యాప్స్: కీమోథెరపీ సమయంలో మంచు గడ్డలతో నిండిన టోపీ మీ తలపై ఉంచబడుతుంది. ఇది వెచ్చగా మారాక చికిత్స పూర్తయ్యే వరకు మరొక కూలింగ్ టోపీతో భర్తీ చేయబడుతుంది.

స్కాల్ప్ కూలింగ్ సిస్టమ్: గది ఉష్ణోగ్రత వద్ద ఒక టోపీ మీ తలపై భద్రపరచబడి, ఆపై కూలింగ్ యంత్రానికి జోడించబడిన ఫ్లెక్సిబుల్ ట్యూబ్‌కు కనెక్ట్ చేయబడి ఉంటుంది. ఇన్సులేటింగ్ క్యాప్ అని కూడా పిలువబడే మరొక టోపీ మొదటి టోపీపై ఉంచబడుతుంది. ఈ యంత్రం కీమోథెరపీ సమయంలో మరియు కీమోథెరపీ తర్వాత టోపీకి కూలింగ్ ని అందిస్తుంది. క్యాప్‌లోని సెన్సార్‌లు ఉష్ణోగ్రతను నియంత్రిస్తాయి, తద్వారా చికిత్స అంతటా టోపీ చల్లగా ఉంటుంది.

ఈ ప్రక్రియ యొక్క వ్యవధి కీమోథెరపీ చికిత్స మరియు మోతాదుపై ఆధారపడి ఉంటుంది. సాధారణంగా, ఇది కీమోథెరపీ సెషన్‌కు ముందు,సెషన్ జరిగే సమయంలో మరియు తర్వాత 20 – 30 నిమిషాలు పడుతుంది.

స్కాల్ప్ కూలింగ్ ఖర్చు మీరు చేయించుకునే కీమోథెరపీ యొక్క సెషన్ల సంఖ్యపై ఆధారపడి ఉంటుంది.

మీరు మీ సమీపంలో మీకు తగిన చికిత్స కోసం అయ్యే ఖర్చుల గురించి మరిన్ని వివరాలను తెలుసుకోవాలనుకుంటే, మీరు మా website లేదా యాప్ ద్వారా మమ్మల్ని సంప్రదించవచ్చు లేదా 8008575405 కు కాల్ చేయవచ్చు.

ప్రధాన ప్రయోజనం ఏమిటంటే ఇది కీమోథెరపీ చేయించుకుంటున్న క్యాన్సర్ రోగులలో జుట్టు రాలడాన్ని తగ్గిస్తుంది. రొమ్ము క్యాన్సర్ మరియు సాలిడ్ ట్యూమర్స్ తో ఉన్న క్యాన్సర్‌ల కీమోథెరపీకి ఇది ఎక్కువగా సిఫార్సు చేయబడుతుంది. కీమోథెరపీ చికిత్స పరిమిత సెషన్లు ఉన్నట్లయితే ఇది మరింత ప్రభావవంతంగా ఉంటుంది.

ఈ క్రింది సందర్భాలలో స్కాల్ప్ కూలింగ్ ను వైద్యులు సిఫారసు చేయకపోవచ్చు:
● దీర్ఘకాలిక కీమోథెరపీ సెషన్లు అవసరం ఉండడం.
● విపరీతమైన చలిని రోగి శరీరం తట్టుకోలేకపోవడం.
● కీమో మందుల మోతాదు ఎక్కువగా ఉండడం.
● రోగి జుట్టు ఒత్తుగా ఉండడం వలన హెయిర్ ఫోలికల్స్‌పై పరికరం తగినంత ప్రభావం చూపెట్టలేకపోవడం.
● రోగి తలలో క్యాన్సర్ కణాలు ఉండడం.

మీకు జలుబు లాంటి రోగాలు సులువుగా వచ్చేట్లయితే మీకు స్కాల్ప్ కూలింగ్ అసౌకర్యాన్ని కలిగిస్తుంది. ఇది వణుకు, మత్తుగా ఉండడం, శ్వాస తీసుకోవడంలో ఇబ్బంది మరియు గుండె వేగాన్ని తగ్గిస్తుంది.

స్కాల్ప్ కూలింగ్ యొక్క సాధారణ దుష్ప్రభావాలు:
● తలనొప్పి లేదా మైగ్రేన్
● వికారం మరియు వాంతులు
● తల తిరగడం
● దవడ కింద భాగం వద్ద అసౌకర్యం కలగడం
● టోపీ యొక్క ఒత్తిడి కారణంగా నుదిటి నొప్పి రావడం.
● తీవ్రమైన దురద
● సైనస్ నొప్పి
● పుండ్లు వంటి చర్మ సమస్యలు

స్కాల్ప్ కూలింగ్ యొక్క ప్రయోజనాలు మరియు దుష్ప్రభావాలు జుట్టు రకం, కీమోథెరపీ యొక్క మోతాదుపై ఆధారపడి వ్యక్తి నుండి వ్యక్తికి మారుతూ ఉంటాయి. విపరీతమైన జలుబు నుండి మిమ్మల్ని మీరు రక్షించుకోవడానికి మరియు దుష్ప్రభావాలను నివారించడానికి వైద్యులు ముందు జాగ్రత్త చర్యలను సూచిస్తారు.