సర్జరీ అనేది శరీరం నుండి క్యాన్సర్ కణితులను తొలగించడానికి ఒక సర్జన్ చేసే శస్త్రచికిత్స ప్రక్రియ. వివిధ రకాల క్యాన్సర్‌లలో ఒకే ప్రాంతంలో ఉండే అనేక సాలిడ్ ట్యూమర్ల కు చికిత్స చేయడానికి శస్త్రచికిత్సను ఉపయోగిస్తారు. ఇది ఒక లోకల్ ట్రీట్మెంట్ (local treatment), అంటే ఇది శరీరంలోని క్యాన్సర్ ఉన్న భాగానికి మాత్రమే చికిత్స చేస్తుంది. మొత్తం కణితిని తొలగించడం ద్వారా, లేదా నొప్పిని కలిగించే కణితిని తొలగించడం ద్వారా, లేదా ఒకవేళ మొత్తం కణితిని తొలగించే సందర్భంలో సమీపంలోని అవయవానికి నష్టం కలిగిస్తుందని భావించినట్లయితే కణితి యొక్క పరిమాణాన్ని తగ్గించడం ద్వారా శస్త్రచికిత్స పని చేస్తుంది. లుకేమియా మరియు వ్యాప్తి చెందిన క్యాన్సర్లకు శస్త్రచికిత్స సిఫార్సు చేయబడదు.

శస్త్రచికిత్స రకాన్ని బట్టి, రోగికి లోకల్, రీజినల్ లేదా మొత్తం శరీరానికి మత్తుమందు ఇవ్వబడుతుంది. శస్త్రచికిత్స వైద్యులు శరీరం యొక్క ప్రాంతాన్ని కట్ చేయడానికి చిన్న, సన్నని కత్తులు మరియు ఇతర పదునైన సాధనాలను ఉపయోగిస్తారు. ఈ కోతలు చర్మం, కండరాలు మరియు కొన్నిసార్లు ఎముకల ద్వారా జరుగుతాయి. శస్త్రచికిత్స తర్వాత, ఈ కోతలు నొప్పిని కలిగిస్తాయి మరియు నయం కావడానికి కొంత సమయం పడుతుంది. కోతలు లేకుండా శస్త్రచికిత్స చేయడానికి మరికొన్ని మార్గాలు ఉన్నాయి. అవి:

క్రయోసర్జరీ (Cryosurgery): లిక్విడ్ నైట్రోజన్ లేదా ఆర్గాన్ గ్యాస్ ఉత్పత్తి చేసే విపరీతమైన చల్లని ఉష్ణోగ్రతలు వల్ల క్యాన్సర్ కణజాలం నాశనం అవుతుంది. ఇది ప్రారంభ దశలో ఉన్న చర్మం, కంటి, మరియు గర్భాశయ క్యాన్సర్లకు చికిత్స చేయడానికి ఉపయోగిస్తారు.

లేజర్‌లు (Lasers): ఈ రకమైన శస్త్రచికిత్సలో శక్తివంతమైన కాంతి కిరణాలు ఉపయోగించబడతాయి. ఇది శరీరం యొక్క ఉపరితలంపై లేదా అంతర్గత అవయవాల లైనింగ్ లోపల కణితుల చికిత్సకు ఉపయోగిస్తారు.

హైపర్‌థర్మియా (Hyperthermia): క్యాన్సర్ ఉన్న ప్రాంతాలు అధిక ఉష్ణోగ్రతలకు గురవుతాయి. ఈ అధిక వేడి క్యాన్సర్ కణాలను దెబ్బతీస్తుంది లేదా రేడియేషన్ మరియు కొన్ని కీమోథెరపీ ఔషధాలు మరింత శక్తివంతంగా పనిచేసేలా చేస్తుంది.

ఫోటోడైనమిక్ థెరపీ (Photodynamic therapy): ఈ చికిత్సలో ఒక నిర్దిష్ట రకమైన కాంతికి ప్రతిస్పందించే ఒక నిర్దిష్ట రకపు ఔషధాన్ని ఉపయోగిస్తారు. కణితి కాంతికి గురైనప్పుడు, ఈ మందులు చురుకుగా మారతాయి మరియు కణితిని నాశనం చేస్తాయి. ఇది చర్మ క్యాన్సర్, మైకోసిస్ ఫంగోయిడ్స్ (ఒక రకమైన రక్త క్యాన్సర్) మరియు నాన్-స్మాల్ సెల్ ఊపిరితిత్తుల క్యాన్సర్ చికిత్సకు ఉపయోగిస్తారు.

క్యాన్సర్ చికిత్సకు అనేక రకాల శస్త్రచికిత్సలు ఉన్నాయి. శస్త్రచికిత్స అనేది ఓపెన్ సర్జరీ లేదా మినిమల్లి ఇన్వేసివ్ (minimally invasive) సర్జరీ అయి ఉంటుంది. ఏ శస్త్రచికిత్స చేయాలి అనేది శస్త్రచికిత్స యొక్క ప్రయోజనం, శస్త్రచికిత్స అవసరమయ్యే శరీర భాగం, తొలగించాల్సిన కణజాలం, మరియు కొన్నిసార్లు రోగి యొక్క ప్రాధాన్యతలపై ఆధారపడి ఉంటుంది.

ఓపెన్ సర్జరీ (open surgery): సర్జన్ కణితిని, చుట్టూ వుండే కొంత ఆరోగ్యకరమైన కణజాలాన్ని మరియు సమీపంలోని కొన్ని లింప్ నోడ్స్ (Lymph nodes)ను తొలగించడానికి ఒక పెద్ద కట్ చేస్తాడు.

మినిమల్లి ఇన్వేసివ్ సర్జరీ (minimally invasive surgery): సర్జన్ కొన్ని చిన్న కట్స్ చేసి, ఆ చిన్న కట్‌లలో ఒకదాని ద్వారా చిన్న కెమెరాతో పొడవైన, సన్నని ట్యూబ్‌ను లోపలికి పంపిస్తాడు. కెమెరా శరీరం లోపల ఉన్న చిత్రాలను మానిటర్‌పై చూపుతుంది, ఇది సర్జన్ ఏమి చేస్తున్నాడో చూడటానికి అనుమతిస్తుంది. ఇతర చిన్న కట్స్ ద్వారా ప్రత్యేక శస్త్రచికిత్స సాధనాలను చొప్పించడం ద్వారా సర్జన్ కణితిని మరియు కొన్ని ఇతర ఆరోగ్యకరమైన కణజాలాన్ని తొలగిస్తాడు. ఓపెన్ సర్జరీతో పోలిస్తే ఈ ప్రక్రియ నిర్వహించడానికి మరియు కోలుకోవడానికి తక్కువ సమయం పడుతుంది.

క్యాన్సర్ శస్త్రచికిత్సకు అయ్యే ఖర్చు శస్త్రచికిత్స రకం, మత్తుమందు రకం, పాల్గొన్న సర్జన్ల సంఖ్య, చికిత్స చేయబడుతున్న శరీర భాగం, మరియు చికిత్స ముందు మరియు తరువాత అయ్యే ఇతర ఖర్చులు వంటి అనేక అంశాలపై ఆధారపడి ఉంటుంది.

మీకు సమీపంలో మీ శస్త్రచికిత్స యొక్క ఖర్చుల గురించి మరింత తెలుసుకోవడానికి, మా వెబ్‌సైట్ లేదా యాప్ ద్వారా మమ్మల్ని సంప్రదించండి. మీరు 79965 79965 నంబర్ ద్వారా కూడా మమ్మల్ని సంప్రదించవచ్చు.

మీ ఆరోగ్య బీమా కంపెనీవారు ఏ సేవలకు చెల్లిస్తున్నారో తెలుసుకోండి. చాలా కంపెనీలు క్యాన్సర్ సర్జరీల ఖర్చులకు చెల్లిస్తున్నాయి.

● అనేక రకాల క్యాన్సర్లకు చికిత్స చేయడానికి ఉపయోగిస్తారు
● ఒక ప్రాంతంలో ఉండే సాలిడ్ ట్యూమర్లకు ఇది ఉత్తమంగా పనిచేస్తుంది
● నొప్పి లేదా ఒత్తిడిని కలిగించే కణితులను తొలగించడానికి ఉపయోగిస్తారు
● మొత్తం కణితిని తొలగించడం, లేదా మొత్తం కణితిని తొలగించడం వల్ల ఏదైనా అవయవానికి నష్టం జరుగుతుంది అనిపిస్తే కణితి యొక్క పరిమాణాన్నితగ్గించడం

శస్త్రచికిత్స లేదా ఉపయోగించిన మందులు మరియు మీ ఆరోగ్య పరిస్థితి కారణంగా దుష్ప్రభావాలు (side effects) సంభవించవచ్చు. ఈ దుష్ప్రభావాలు తాత్కాలికమైనవే, ప్రాణాంతకమైనవి కావు. సాధారణ దుష్ప్రభావాలలో కొన్ని:

● రక్తస్రావం
● రక్తం గడ్డకట్టడం
● సమీపంలోని కణజాలాలకు నష్టం జరగడం
● మందులకు ప్రతికూల ప్రతిచర్యలు
● ఇతర అవయవాలకు నష్టం జరగడం
● శస్త్రచికిత్స జరిగిన ప్రదేశంలో నొప్పి మరియు ఇంఫెక్షన్లు రావడం
● నెమ్మదిగా కోలుకోవడం

దుష్ప్రభావాలు మరియు సమస్యలను తగ్గించడానికి మా ఆరోగ్య సంరక్షణ బృందం చాలా జాగ్రత్తలు తీసుకుంటుంది. వారు ఇన్ఫెక్షన్ ను నివారించడానికి శస్త్రచికిత్సకు ముందు ఆ ప్రాంతాన్ని శుభ్రపరచడం మరియు షేవింగ్ చేయడం, ప్రత్యేక లెగ్ పంపుల వాడడం, రక్తం గడ్డకట్టకుండా ఉండటానికి తక్కువ-డోస్ బ్లడ్ థిన్నర్‌ మందులు వాడడం, న్యుమోనియాను నివారించడానికి శ్వాస చికిత్సలు మరియు మరెన్నో వంటి చర్యలు తీసుకుంటారు.

క్యాన్సర్ శస్త్రచికిత్స యొక్క దీర్ఘకాలిక దుష్ప్రభావాలు:
ఈ దుష్ప్రభావాలు శస్త్రచికిత్స చేయబడిన శరీర భాగాన్ని బట్టి ఉంటాయి. శస్త్రచికిత్స తర్వాత మీరు ఎదుర్కొనే దుష్ప్రభావాల గురించి మీ వైద్యుడిని అడగండి.
● పునరుత్పత్తి వ్యవస్థ చుట్టూ శస్త్రచికిత్స చేస్తే, ఆడవారు తమ సంతానోత్పత్తిని కోల్పోవచ్చు
● శస్త్రచికిత్స ద్వారా ప్రోస్టేట్‌ను తొలగిస్తే, పురుషులు మూత్రంపై నియంత్రణ కోల్పోవడం లేదా నపుంసకులుగా మారే ప్రమాదం ఉంది
● కొలొరెక్టల్ క్యాన్సర్ (Colorectal cancer) సర్జరీ జరిగిన వారి పొట్టకు ఒక ఓపెనింగ్ వంటిది పెట్టవలసి రావచ్చు