మెడికల్ ఆంకాలజీ అనేది ఒక రకమైన క్యాన్సర్ చికిత్స, ఇందులో కీమోథెరపీ (Chemotherapy), హార్మోన్ థెరపీ (Hormone therapy), టార్గెటెడ్ థెరపీ (Targeted therapy), మరియు ఇమ్యునోథెరపీ (Immunotherapy)ని ఉపయోగించి క్యాన్సర్ చికిత్స చేయబడుతుంది. మెడికల్ ఆంకాలజీ ఉత్తమ ఫలితాల కోసం రేడియేషన్ ఆంకాలజీ లేదా సర్జికల్ ఆంకాలజీతో కలిపి అందించబడుతుంది.

కీమోథెరపీ
ఇమ్యునోథెరపీ
టార్గెటెడ్ థెరపీ
హార్మోన్ థెరపీ

కీమోథెరపీ

కీమోథెరపీ అనేది క్యాన్సర్ చికిత్స, ఇది శరీరం అంతటా వేగంగా పెరుగుతున్న కణాలను నిర్మూలించడానికి మరియు కణాలు మరింత పెరగకుండా నిరోధించడానికి శక్తివంతమైన మందులను ఉపయోగిస్తుంది. ఇది అదనంగా ఇతర కణజాలాలకు లేదా అవయవాలకు క్యాన్సర్ వ్యాప్తిని నిరోధించడంలో సహాయపడుతుంది.

కీమోథెరపీ రకాలు

నియో అడ్జువెంట్ కీమోథెరపీ (Neoadjuvant Chemotherapy): ఇది రేడియేషన్ థెరపీ లేదా శస్త్రచికిత్సకు ముందు నిర్వహించబడుతుంది.
ఇది వ్యాధిని తగ్గించడంలో, రోగికి చికిత్సను తట్టుకొనే శక్తిని పెంచడంలో, శస్త్రచికిత్స మరియు రేడియేషన్ థెరపీకి ప్రతిస్పందనను పెంచడంలో, పునరావృత రేటును తగ్గించడంలో, మరియు మనుగడ రేటును మెరుగుపరచడంలో సహాయపడుతుంది.

అడ్జువెంట్ కీమోథెరపీ (Adjuvant Chemotherapy): ఇది శస్త్రచికిత్స లేదా రేడియేషన్ థెరపీ తర్వాత నిర్వహించబడుతుంది.
ఇది పునరావృత ప్రమాదాన్ని తగ్గించడానికి మరియు సానుకూల ఫలితాలు సాధించడంలో సహాయపడుతుంది.

మెట్రోనమిక్ కీమోథెరపీ (Metronomic Chemotherapy): ఈ వైద్యంలో, అధిక మోతాదులో కీమోథెరపీని తట్టుకోలేని రోగులకు తక్కువ మోతాదులో కీమో మందులు చాలా కాలం పాటు అందించబడతాయి.

కీమోథెరపీ యొక్క ప్రయోజనాలు

● క్యాన్సర్ కణాల పెరుగుదలను తగ్గిస్తుంది
● క్యాన్సర్‌ను నయం చేస్తుంది
● జీవన నాణ్యతను మెరుగుపరుస్తుంది
● క్యాన్సర్ మళ్లీ వచ్చే అవకాశాలను తగ్గిస్తుంది
● కణజాలాలకు క్యాన్సర్ వ్యాప్తిని నియంత్రిస్తుంది

దుష్ప్రభావాలు

కీమోథెరపీ నోటి, ప్రేగు, మరియు జుట్టు కుదుళ్ళ యొక్క వేగంగా విభజించే ఆరోగ్యకరమైన కణాలను కూడా నాశనం చేస్తుంది, తద్వారా దుష్ప్రభావాలకు దారితీస్తుంది. సాధారణంగా, ఈ దుష్ప్రభావాలు కాలక్రమేణా మానిపోతాయి, కొన్ని సందర్భాల్లో మాత్రమే దుష్ప్రభావాలు తీవ్రంగా ఉండవచ్చు, మరియు వాటిని నివారించడానికి క్యాన్సర్ వైద్యులు మందులను సూచిస్తారు.

కొన్ని దుష్ప్రభావాలు

● జుట్టు ఊడుట
● బరువు పెరుగుట
● బరువు తగ్గడం
● వికారం మరియు వాంతులు
● ఆకలి లేకపోవడం
● మలబద్ధకం
● నిద్రలేమి
● సులభంగా గాయాలు అవడం మరియు రక్తస్రావం
● జ్వరం
● రక్త గణన తగ్గడం
● నోటి పుండ్లు
● నరాలవ్యాధి
● చర్మం మరియు గోళ్ళలో మార్పులు
● మతిమరుపు

పై దుష్ప్రభావాలకు సంబంధించిన ఏవైనా లక్షణాలు ఉన్నట్లయితే, మీ ఆరోగ్య సంరక్షణ బృందాన్ని సంప్రదించడం మంచిది. వారు మీ వైద్య చరిత్ర, మీరు తీసుకుంటున్న చికిత్సలు, ఇంకా ఏవైనా సమస్యలు ఉంటె వాటి గురించి తెలుసుకొని, ఆపై దుష్ప్రభావాలను నివారించడానికి మందులను సిఫార్సు చేస్తారు.

తీవ్రమైన దుష్ప్రభావాలు

● ఊపిరితిత్తుల కణజాలానికి హాని కలగడం
● గుండె సమస్యలు
● పునరుత్పత్తి సమస్యలు
● కిడ్నీ సమస్యలు

హైదరాబాదులో కీమోథెరపీకి అయ్యే ఖర్చు మందుల రకం, క్యాన్సర్ రకం మరియు క్యాన్సర్ ఉన్న దశ, సెషన్ల సంఖ్య, చికిత్స ప్రణాళిక, ఔషధ మోతాదు మొదలైన అనేక అంశాలపై ఆధారపడి ఉంటుంది.

హైదరాబాద్‌లో అతి తక్కువ ధర: రూ. 4000
హైదరాబాద్‌లో సగటు ధర: రూ.21,000
హైదరాబాద్‌లో గరిష్ట ధర: రూ.40,000

కీమోథెరపీ యొక్క ఒక సెషన్: రూ.50,000 – రూ.80,000 (సెషన్ల సంఖ్యను బట్టి)

ఇచ్చే మార్గం ఆధారంగా కీమోథెరపీ ఖర్చు:

ఓరల్ : రూ.56,000 – రూ.70,000
IV : రూ.70,000 – రూ.1,05,000
పోర్ట్ ద్వారా : రూ.2,10,000 – రూ.2,80,000

చికిత్సకు ముందు మరియు తరువాత ఖర్చులు:

ప్రీ-కీమోథెరపీ ఖర్చు –
డాక్టర్ కన్సల్టేషన్ ఫీజు : రూ. 500 – రూ.1500
ల్యాబ్ పరీక్షలు : రూ.5000 – రూ.25,000
రోగ నిర్ధారణ పరీక్షలు : రూ.5000 – రూ.40,000

కీమోథెరపీ మాత్రమే చికిత్సగా ఇవ్వబడుతుంది లేదా శస్త్రచికిత్స, రేడియేషన్ చికిత్స, లేదా బోన్ మ్యారో ట్రాన్స్‌ప్లాంట్ (BMT)తో కూడి కలిపి ఇవ్వబడుతుంది. శస్త్రచికిత్స మరియు రేడియేషన్ చికిత్స ఖర్చులు క్యాన్సర్ ఉన్న శరీర భాగం మరియు క్యాన్సర్ తీవ్రతపై ఆధారపడి ఉంటాయి.

శస్త్రచికిత్స : రూ.2,80,000 – రూ. 10,50,000
రేడియేషన్ : రూ.30,000 – రూ.20,00,000
బోన్ మ్యారో మార్పిడి : రూ.15,00,000 – రూ.40,00,000

కీమోథెరపీ తర్వాత ఖర్చులు-
అదనపు మందుల ధర – కీమోథెరపీ యొక్క దుష్ప్రభావాలను ఎదుర్కోవడానికి
ఆసుపత్రి బస ఖర్చు – కొన్ని గంటల నుండి కొన్ని రోజుల వరకు చికిత్స ఉంటుంది
అదనపు సేవల కోసం – కొన్నిసార్లు కొన్ని అదనపు సేవలను పొందేందుకు ఆసుపత్రి బసను పొడిగించాల్సిన అవసరం ఉంది
ఇంటి వద్ద సేవలు – ఇది తరచుగా అవసరం లేదు, అయినప్పటికీ, కొంతమంది రోగులకు శిక్షణ పొందిన నర్సు నుండి సహాయం అవసరం కావచ్చు, అదనపు వైద్య పరికరాలు మరియు మరిన్ని అవసరం కావచ్చు.

ఇమ్యునోథెరపీ, బయోలాజికల్ థెరపీ అని కూడా పిలుస్తారు, ఇది పర్సనలైజ్డ్ చికిత్సా విధానం. క్యాన్సర్ కణాలను ఎదుర్కోవడానికి మరియు నాశనం చేయడానికి శరీరం యొక్క సహజ రక్షణ వ్యవస్థను ప్రేరేపించడం ద్వారా ఇది పనిచేస్తుంది.

● కీమోథెరపీ మరియు రేడియేషన్ చికిత్సకు ప్రతిస్పందించని క్యాన్సర్ రోగులకు ఇది సమర్థవంతమైన చికిత్స.
● క్యాన్సర్ కణాలను గుర్తించడానికి మరియు లక్ష్యంగా చేసుకోవడానికి రోగనిరోధక వ్యవస్థకు శిక్షణ ఇస్తుంది.
● అనేక రకాల క్యాన్సర్లకు ఇమ్యునోథెరపీని ఉపయోగించి విస్తృతంగా చికిత్స చేస్తున్నారు.

ఇమ్యునోథెరపీ యొక్క దుష్ప్రభావాలు ఉపయోగించే ఇమ్యునోథెరపీ రకాన్ని బట్టి మారవచ్చు. దుష్ప్రభావాలు, రోగనిరోధక వ్యవస్థ యొక్క ఓవర్‌స్టిమ్యులేషన్ కి సంబంధించినవి, మరియు వాపు యొక్క చిన్న లక్షణాల నుండి (ఉదా; జ్వరం), ఆటో ఇమ్యూన్ డిజార్డర్స్ వంటి ప్రధాన పరిస్థితుల వరకు ఉండవచ్చు.

హైదరాబాదులో ఇమ్యునోథెరపీకి అయ్యే ఖర్చు ఔషధాల రకం, కణితి రకం, కణితి యొక్క ప్రాబల్యం, కణితి ప్రాణాంతకత స్థాయి, క్యాన్సర్ దశ, సెషన్ల సంఖ్య మొదలైన అనేక అంశాలపై ఆధారపడి ఉంటుంది.

రూ.25,000 నుంచి ప్రారంభమవుతుంది

ఒక సైకిల్ ధర : రూ.1,00,000 – రూ.4,00,000. సాధారణంగా, 3-4 సెషన్లు అవసరమవుతాయి.

టార్గెటెడ్ థెరపీ అనేది క్యాన్సర్ కణాల పెరుగుదల మరియు వ్యాప్తిని నిర్వహించే ప్రోటీన్లను లక్ష్యంగా చేసుకోవడం ద్వారా క్యాన్సర్ చికిత్స చేస్తుంది.

● క్యాన్సర్ కణాల పెరుగుదలను ఆపుతుంది
● క్యాన్సర్ కణాల నాశనానికి కారణం అవుతుంది
● క్యాన్సర్ పెరగడానికి అవసరమైన హార్మోన్లని బలహీనంగా చేస్తుంది
● కణితులను నాశనం చేయడానికి రోగనిరోధక వ్యవస్థను సక్రియం చేస్తుంది

దుష్ప్రభావాలు

● విరేచనాలు
● కాలేయ సమస్యలు
● అధిక రక్త పోటు
● గాయం మానడం కష్టం అవుతుంది
● రక్తము గడ్డ కట్టుట
● అలసట
● నోటి పుండ్లు
● గోరు మార్పులు
● జుట్టు రంగు కోల్పోవడం మరియు చర్మ సమస్యలు

రూ.1,00,000 నుండి రూ. 3,00,000 వరకు ఉంటుంది.

హార్మోన్ల థెరపీని ఎండోక్రైన్ థెరపీ అని కూడా పిలుస్తారు. ఇది క్యాన్సర్ పెరుగుదలకు సహకరించే హార్మోన్ల ఉత్పత్తిని ఆపడం లేదా హార్మోన్లు క్యాన్సర్ కణాలను చేరకుండా నిరోధించడం ద్వారా క్యాన్సర్కు చికిత్స చేస్తుంది.

హార్మోన్ థెరపీ యొక్క ప్రయోజనాలు

● క్యాన్సర్ పునరావృతమయ్యే అవకాశాలను తగ్గించడం
● శస్త్రచికిత్స లేదా రేడియేషన్ థెరపీ చేయలేని ప్రోస్టేట్ క్యాన్సర్ ఉన్న పురుషులలో క్యాన్సర్ లక్షణాలను తగ్గించడం.

పురుషులలో హార్మోన్ థెరపీ యొక్క దుష్ప్రభావాలు

● సెక్స్ సామర్థ్యం కోల్పోవడం
● బలహీనమైన ఎముకలు
● అంగస్తంభన లోపం
● వికారం మరియు వాంతులు
● విరేచనాలు
● అలసట

మహిళల్లో హార్మోన్ థెరపీ యొక్క దుష్ప్రభావాలు

● యోని పొడిగా అవ్వడం
● ఇంకా మెనోపాజ్ రాకపోతే పీరియడ్స్‌లో మార్పులు రావడం
● సెక్స్ పట్ల ఆసక్తి కోల్పోవడం
● వికారం మరియు వాంతులు
● మానసిక స్థితిలో మార్పులు
● అలసట

మీరు స్వీకరించే హార్మోన్ థెరపీ రకాలు మరియు చికిత్స యొక్క వ్యవధిపై ఆధారపడి ఉంటుంది.

నెలకు రూ.50,000 నుంచి రూ.60,000 వరకు ఉంటుంది.